आयुष्यावर बोलू काही ! Aayushyavar Bolu Kahi Lyrics

Album: Aayushyavar Bolu Kahi
Music: Sandeep Khare
Lyrics: Sandeep Khare
Singer(s): Saleel Kulkarni

Aayushyavar Bolu Kahi Lyrics

जरा चुकीचे, जरा बरोबर बोलू काही !
चला दोस्तहो आयुष्यावर बोलू काही !

उगाच वळसे शब्दांचे हे देत रहा तू
भिडले नाहीत डोळे तोवर बोलू काही

तुफान पाहुन तीरावर कुजबुजल्या होड्या
पाठ फिरू दे त्याची नंतर बोलू काही

हवेहवेसे दुःख तुला जर हवेच आहे
नकोनकोसे हळवे कातर बोलू काही

उद्या-उद्याची किती काळजी बघ रांगेतुन
परवा आहे उद्याच नंतर बोलू काही

शब्द असू दे हातामध्ये काठी म्हणुनी
वाट आंधळी प्रवास खडतर बोलू काही

अताशा असे हे मला काय होते? Atasha Ase he Mala Kaay Hote Lyrics

Album: Aayushyavar Bolu Kahi
Music: Sandeep Khare
Lyrics: Sandeep Khare
Singer(s): Saleel Kulkarni

Atasha Ase he Mala Kaay Hote Lyrics

अताशा असे हे मला काय होते?
कुण्या काळचे पाणी डोळ्यात येते
बरा बोलता बोलता स्तब्ध होतो
कशी शांतता शून्य शब्दांत येते

कधी दाटू येता पसारा घनांचा
कसा सावळा रंग होतो मनाचा
असे हालते आत हळुवार काही
जसा स्पर्श पाण्यावरी चांदण्याचा

असा ऐकू येतो क्षणांचा इशारा
क्षणी व्यर्थ होतो दिशांचा पसारा
नभातून ज्या रोज जातो बुडोनी
नभाशीच त्या मागू जातो किनारा

न अंदाज कुठले, न अवधान काही
कुठे जायचे यायचे भान नाही
जसा गंध निघतो हवेच्या प्रवासा
न कुठले नकाशे, न अनुमान काही

कशी ही अवस्था कुणाला कळावे?
कुणाला पुसावे? कुणी उत्तरावे?
किती खोल जातो तरी तोल जातो
असा तोल जाता कुणी सावरावे?

अजून उजाडत नाही ग.. Ajun Ujadat Nahi Ga Lyrics

Album: Saang Sakhya Re
Music: Saleel Kulkarni
Lyrics: Sandeep Khare
Singer(s): Saleel Kulkarni

Ajun Ujadat Nahi Ga Lyrics

अजून उजाडत नाही ग..

दशकांमागुन सरली दशके
अन् शतकांच्या गाथा ग
ना वाटांचा मोह सुटे वा
ना मोहाच्या वाटा ग
पथ चकव्याचा गोल, सरळ वा- कुणास उमगत नाही ग
प्रवास कसला? फरफट अवघी ! पान जळातून वाही ग..
अजून उजाडत नाही ग..

कधी वाटते ‘दिवस’ ‘रात्र’ हे
नसते काही असले ग
त्यांच्यालेखी रात्र सदाची
ज्यांचे डोळे मिटले ग
स्पर्श आंधळे, गंध आंधळे, भवताली वनराई ग
तमातली भेसूर शांतता ! कानी कूजन नाही ग..
अजून उजाडत नाही ग !

एकच पळभर एखादी कळ
अशी सणाणून जाते ग
क्षणात विरती अवघे पडदे
लख्ख काही चमचमते ग
ती कळ सरते, हुरहुर उरते अन् पिकण्याची घाई ग
वरवर सारे शिंपण, काही आतुन उमलत नाही ग..
अजून उजाडत नाहीफ़ ग..

अग्गोबाई ढग्गोबाई Aggobai Dhaggobai Lyrics

Music: Saleel Kulkarni
Lyrics: Sandeep Khare
Singer(s): Saleel Kulkarni, Sandeep Khare
Music on:

अग्गोबाई ढग्गोबाई लागली कळ
ढगाला उन्हाची केवढी झळ
थोडी ना थोडकी लागली फार
डोंगराच्या डोळ्याला पाण्याची धार

वारा वारा गरागरा सो सो सुम
ढोल्या ढोल्या ढगात ढुम ढुम ढुम
वीजबाई अशी काही तोऱ्यामधी खडी
आकाशच्या पाठीवर चम चम छडी

खोल खोल जमिनीचे उघडून दार
बुडबुडे बेडकाची बडबड फार
डुंबायला डबक्याचा करूया तलाव
साबू बिबू नको थोडा चिखल लगावं

Aggobai Daggobai lagali kal
dhagala unhachi kevdhi zal
thodi na thodki lagli far
dongrachya dolyat panyachi dhar

Vara Vara garagara so so sum
dholya dholya dhagat dhum dhum dhum
vijbai ashi kahi toryamadhe khadi
akashachya pathivar cham cham chadi

khol khol jaminiche ughadun dae
bud bud bedkachi badbad far
dumbayla dabkyacha karuya talav
sabu bibu nako thoda chikhal lagav

शिवराज्याभिषेक गीत Shivrajya Abhishek Lyrics – Shivrajyabhishek Geet – Hirkani

Movie: Hirkani
Music: Amitraj
Lyrics: Kavibhushan and Sandeep Khare
Singers: Neelambari Kirkire, Vivek Naik, Amitraj, Deepali Desai, Jiya Suresh Wadkar, Gaurav Chati & Santosh Bote
Female Chorus Singers: Aarohi Mhatre, Pragati Joshi, Mrunmayee Dadke, Rucha Soman, Manasi Datare & Sonal Naik
Male Chorus Singers: Pratap Kalke, Santosh Bote, Vivek Naik, Sagar Lele, Rahul Chitnis & Mangesh Shirke Rythm
Music Label: Zee Music Marathi

राजं आलं Raja Aala Lyrics – Pawankhind

Shivrajyabhishek Geet Lyrics

पहिली माझी ओवी गं
माझ्या जिजाभवानी ला
जिणं दिस दाखविला सोनियाचा
दुसरी माझी ओवी गं
माझा शिवबा ऐकेल
राज पृथ्वीचे करेल बाळ माझा

सहस्रशीर्षा पुरुषः सहस्राक्षः सहस्रपात् ।
शंभो…
स भूमिं विश्वतो वृत्वात्यतिष्ठद्दशाङुलम् ॥
शंभो…

सक्र जिमी सैल पर । अर्क तम फैल पर ।
बिघन कि रैल पर । लम्बोदर देखिये ।
राम दशकंध पर । भीम जरासंध पर ।
भूषण जो सिन्धु पर । कुम्भज बिसेखीये ।
हर जो अनंग पर । गरुड ज्यो भुजंग पर ।
कौरव के अन्ग पर । पार्थ जो पेखीये ।
बाज ज्यो बिहंग पर । सिंह ज्यो मतंग पर ।
म्लेंछ चतुरंग पर । शिवराज देखिये ।

ऐका ऐका मराठी मर्दानों
ऐका ऐका माय लेकीनों
ऐका ऐका चंद्र सूर्यानों
पळत्या वाऱ्यानों रानकिल्यानों
जी… जी…
हे ऐका ऐका सात समिन्द्रानो
जी… जी…

ऐका ऐका असली नवलाई
किती जन्मात घडली नाही
बादशाही पडे पायाशी
जी… जी…
छाताडावर नाचे शिवशाही रं
जी… जी…

आज मातीला सूर्य लाभला
शिव सुंदर केशरी
आज आमचा राजा बसला
तख्त मराठी वरी

युगायुगांची पुण्याई
येई उतरून भूमी वरी
आज आमचा राजा बसला
तख्तमराठी वरी

होत कोरड आभाळ
समदा दुष्काळ दुष्काळ
माती होती लय तान्हेली
रया शेताची हो गेली
हाक पोहचली भवानी आईला
राया पावसावाणी हो कोसळला

सुगी झाली पिक पाण्याची
सुगी झाली अवघ्या जन्माची

एकच राजा असा खाय जो
कुणब्या घरी भाकरी
आज आमचा राजा बसला
तख्त मराठी वरी

मौला मौला
हर बशर का ख्वाब है तू
तू खुदा का नूर है
हस्ती सुरज सी तेरी
हर तारिकी से दूर है

रेहेनुमाई के तेरे चर्चे
गजब जन्नत में है
इस जमि ने फुल्दसे
मांगा तुझे मन्नत में है

राजा माझा इक विरूबा चा हो
राया माझा अवतार खंडेराया चा हो

उरामंदी राजा माझा
डोयामंदी राजा माझा
जीवामंदी मनामंदी
राजा ठसला

माझा धनी माझा राया
बापावानी करी माया
गडावर आज माझा
राजा बसला

जय राम कृष्ण हरी
जय राम कृष्ण हरी
राम कृष्ण राम कृष्ण
राम कृष्ण हरी

छाती केसरीची दृष्टी गरुडाची
गती हरणाची ऐसा राजा
देह राजीयाचा प्राण योगीयाचा
मूळ कैलासाचे ऐसा राजा

माती साठी प्राण सांडतो
युद्ध मांडीतो ऐसा राजा
जीव वाहतो जीव लावतो
जीव रक्षितो ऐसा राजा

close